Mostrando entradas con la etiqueta APLICACIÓNS. Mostrar todas las entradas
Mostrando entradas con la etiqueta APLICACIÓNS. Mostrar todas las entradas

21 oct 2011

AutoCAD 14: Cotas

Os vídeos están gravados en HD (1280x720) e recomendamos velos a 720p e a pantalla completa para que non perdan calidade e poder ver desta maneira perfectamente as iconas. Link ao vídeo en HD.



Mallando titorial HD: AutoCAD 14

Vídeo titorial en galego de AutoCAD 2007.
Parte 14: Cotas

Canción: Diablo Swing Orchestra - Balrog Boogie http://www.jamendo.com/es/track/391002

Se queredes velo correctamente, recomendámos velo a 720p e pantalla completa.

23 sept 2011

AutoCAD 13: Texto

Os vídeos están gravados en HD (1280x720) e recomendamos velos a 720p e a pantalla completa para que non perdan calidade e poder ver desta maneira perfectamente as iconas. Link ao vídeo en HD.



Mallando titorial HD: AutoCAD 13

Vídeo titorial en galego de AutoCAD 2007.
Parte 13: Texto

Canción: Diablo Swing Orchestra - Balrog Boogie http://www.jamendo.com/es/track/391002

Se queredes velo correctamente, recomendámos velo a 720p e pantalla completa.

2 sept 2011

AutoCAD 12: Capas

Os vídeos están gravados en HD (1280x720) e recomendamos velos a 720p e a pantalla completa para que non perdan calidade e poder ver desta maneira perfectamente as iconas. Link ao vídeo en HD.



Mallando titorial HD: AutoCAD 12

Vídeo titorial en galego de AutoCAD 2007.
Parte 12: Capas

Canción: Diablo Swing Orchestra - Balrog Boogie http://www.jamendo.com/es/track/391002

Se queredes velo correctamente, recomendámos velo a 720p e pantalla completa.

12 ago 2011

AutoCAD 11: Comandos e VIII

Os vídeos están gravados en HD (1280x720) e recomendamos velos a 720p e a pantalla completa para que non perdan calidade e poder ver desta maneira perfectamente as iconas. Link ao vídeo en HD.



Mallando titorial HD: AutoCAD 11

Vídeo titorial en galego de AutoCAD 2007.
Parte 11: Comandos e VIII

Canción: Diablo Swing Orchestra - Balrog Boogie http://www.jamendo.com/es/track/391002

Se queredes velo correctamente, recomendámos velo a 720p e pantalla completa.

22 jul 2011

Envía facilmente os teus arquivos axuntos de Gmail ou Yahoo a Dropbox con Attachments.me

Xa temos falado en Mallando de Dropbox. Se lembrades, fixemos unha entrada cunha chea de trucos e curiosidades sobre un dos mellores servizos de almacenaxe de arquivos na nube, e tamén fixemos unha serie de entradas con alternativas a ela (I, II e III).

Mais hoxe imos falarvos de Attachments.me, un servizo que nos axudará a xestionar os arquvivos axuntos das nosas contas de correo electrónico de Gmail ou Yahoo, coa posibilidade de enviárnolos ao noso Dropbox

Unha vez logueados, e asociada unha conta dun dos servizos de correo anteriores, Attachments encargarase de buscar todos os arquivos axuntos e ofrecernos unha previsualización dos mesmos.

A verdade é que isto resulta moi cómodo, pois pode, por exemplo, que lembredes que vos mandaron certo pdf e non lembredes a data... buscar entre ducias ou milleiros de correo pode resultar certamente desesperante. Por ilo, as posibilidades de busca que nos ofrece Attachments son variadas (por tipo de arquivo, por texto no nome, por remitente...) para facernos as cousas máis sinxelas.

Pero a principal característica deste servizo, e que para min é a máis interesante, é o que podemos facer cos arquivos axuntos que atopamos: derivalos "a outros lados". Deste xeito, podemos configurar as nosas contas de Twitter, Facebook ou Dropbox e envialo a estas. Imaxinade que vos mandan unhas fotos por correo e queredes gardalas no voso Dropbox: tan doado como acceder a Attachments, buscar esas fotos nos axuntos e seleccionar o envío ao noso cartafol na nube.

No seguinte vídeo podedes ver unha pequena demo de como é a interface e o funcionamento.



Esta ferramenta é gratuíta. Malia todo, atópase en fase beta pechada e hai que pedir convite para poder empregala. Podédelo facer dende a súa propia web Attachments.me

14 jul 2011

AutoCAD 10: Comandos VII

Os vídeos están gravados en HD (1280x720) e recomendamos velos a 720p e a pantalla completa para que non perdan calidade e poder ver desta maneira perfectamente as iconas. Link ao vídeo en HD.


Mallando titorial HD: AutoCAD 10

Vídeo titorial en galego de AutoCAD 2007.
Parte 10: Comandos VII

Canción: Diablo Swing Orchestra - Balrog Boogie http://www.jamendo.com/es/track/391002

Se queredes velo correctamente, recomendámos velo a 720p e pantalla completa.

27 jun 2011

Na procura de alternativas a Dropbox (e III)

Tras os dous artigos anteriores, rematamos con este a serie de alternativas a Dropbox. De seguro que existen moitas outras alternativas que non consideramos e que poden ser tan ou máis interesantes das que vos amosamos. Xa sabedes que nese caso podedes comentárnolo nos comentarios ou a través dos nosos perfís nas redes sociais Twitter e/ou Facebook.

Así que hoxe deixamos acó outras novas alternativas:

Amazon Cloud Drive

O servizo de almacenaxe na nube de Amazon ofrece 5 GB de datos gratuítos e a posibilidade de acceder aos nosos datos dende un número ilimitado de dispositivos, algo a ter en conta, posto que os servizos que limitan a 2 terminais de acceso resultan sendo un tanto incordiantes.

Pódese almacenar todo tipo de información (música, vídeos, fotos, documentos...) e o acceso principal ao mesmo efectúase dende calquera navegador web.

Pero ademais, as cancións que merquemos na tenda de Amazon almacenaranse directamente no noso disco virtual, podendo reproducilas (ao igual que o resto de música que teñamos nel) na nube grazas ao Amazon Cloud Player.

Se queremos máis espazo temos varias opcións, a primeira delas relacionada coa compra de música en Amazon. E é que, se mercamos un álbume MP3 obtermeos 20 GB extra de balde durante un ano, unha oferta moi apetecíbel e económica.

En cano alternativas de pago temos opcións de 20, 50, 100, 200, 500 ou 1000 GB, que saen a 1 $/1 GB anual (polo que se collemos 50 GB sairanos por 50 $/ano, étc).

Sky Drive

Sky Drive é un servizo ofrecido por Microsoft vencellado ás contas Live (MSN, Hotmail, Live...), que dispón de 25 GB de espazo gratuíto no que poderemos gardar todo tipo de documentos.

Unha funcionalidade que vai moi ben é a de poder compartir documentos cos nosos amigos, xa que é realmente sinxelo facer público un determinado cartafol con eles (por exemplo, para compartir as imaxes dunha viaxe ou o que queiramos).

Ademais tamén ten ben configurada a función 'arrastrar e soltar', polo que non teremos que andar remexendo en cartafoles para subir os nosos arquivos. Basta con que arrastremos os nosos arquivos e os soltemos no navegador, onde os queiramos gardar.

unidade R

E xa se falamos de unidades privadas, vencelladas a ter contratados outros servizos, podemos falar de casos como o de R, que ofrece a todos os seus clientes (que teñan activados os correos vencellados aos seus contratos) unidade R, que polo de agora está en fase beta pero que en breve se abrirá a todo o mundo.

unidade R ofrece 5 GB gratuítos para almacenar todo tipo de artigos, coa posibilidade de compartir arquivos con outros contactos, e acceso dende calquera computador que dispoña de conexión a Internet.

Ubuntu One

Os usuarios de Ubuntu saberán (ou soaralles) Ubuntu One, un servizo de almacenaxe na nube totalmente integrado no sistema operativo, que permite subir arquivos e/ou cartafoles até un máximo de 2 GB (de balde).

Pero pódese contratar máis espazo, como o plan 20 GB por 29,99 $/ano. O servizo tamén dispón dunha versión para móbiles, con aplicación incluída, malia que neste caso sexa preciso pagar 39,99 $/ano (sen verse reflexado en máis espazo).

Permite o acceso dende tantos computadores como queiramos e dende hai pouco dispón dunha beta de aplicación para Windows tamén.

iCloud

E xa para rematar, iCloud, o servizo de Apple presentado na última keynote e que verá a luz en outono. Trátase dun disco duro só para sincronizar arquivos entre dispositivos Apple (iPad, iPhone, iPod touch, Mac) e PC.

Con 5 GB de almacenaxe, servirá para sincronizar fotos, música, aplicacións... pero tamén contactos e calendarios.

Ligazóns aos recursos:

24 jun 2011

AutoCAD 09: Comandos VI

Os vídeos están gravados en HD (1280x720) e recomendamos velos a 720p e a pantalla completa para que non perdan calidade e poder ver desta maneira perfectamente as iconas. Link ao vídeo en HD.


Mallando titorial HD: AutoCAD 09

Vídeo titorial en galego de AutoCAD 2007.
Parte 9: Comandos VI

Canción: Diablo Swing Orchestra - Balrog Boogie http://www.jamendo.com/es/track/391002

Se queredes velo correctamente, recomendámos velo a 720p e pantalla completa.

17 jun 2011

Na procura de alternativas a Dropbox (II)

Hai uns días iniciabamos unha serie de entradas nas que estamos a analizar diferentes alternativas a Dropbox, que destacan noutros aspectos: maior espazo de almacenamento, máis seguridade nas transaccións de información, maior velocidade de sincronismo étc.

Así que hoxe traemos outros catro servizos: 

Wuala

Wuala é un servizo para os obsesionados pola seguridade dos seus arquivos, xa que estes son encriptados antes de ser sincronizados, en contraposición con outros servizos nos que a encriptación faise unha vez están subidos ao servidor.

Mais non só iso, os nosos datos serán almacenados en diferentes lugares para asegurar que non se perda nada.

En canto a outras funcionalidades, permite acceder a versións anteriore dos arquivos, o acceso dende diferentes lugares á vez e facilidades para compartición.

Inicialmense disponse de 1 GB gratuíto, pero pódese aumentar con dous métodos, un deles bastante novidoso:
  • O primeiro deles é o habitual: mercar espazo. As opcións van dende os 10 GB por 19 €/ano até 250 GB por 229 €/ano.
  • O método novidoso é o do intercambio. Trátase de que nós poderemos intercambiar espazo do noso computador por unha cantidade na nube que pode chegar até o espazo que compartamos. É dicir, se compartimos 100 GB poderemos obter 100 GB online se estamos 4 horas (tempo esixido) diarias conectadas a Internet. Senón recibiremos o equivalente á cantidade porcentual de tempo (se estamos o 70% dese tempo conectados recibiremos 70 GB, étc).


Memopal

Memopal é unha alternativa que nos ofrece 3 GB de almacenamento gratuíto. Se precisamos máis espazo podemos acceder a plans de 200 GB e 300 GB a maiores, por 49 €/ano e 69 €/ano respectivamente, ou convidar aos nosos amigos a que se unan. Por cada convite aceptado recibiremos 500 MB adicionais.

Tamén se ofrece espazo extra se temos necesidades maiores e temos contratado algún dos plans anteriores (200 GB / 300 GB) e ofertas a medidas para outras necesidades.

Dispón de aplicacións específicas para Linux/Windows/Mac así como tamén para Android/iOS e un acceso para navegadores móbiles sen aplicación.

Syncplicity

Outro servizo de almacenaxe na nube é Syncplicity que destaca pola súa gran capacidade para a xestión de todo tipo de documentos ofimáticos e fotografías. Ademais, dispón de sincronización sinxela: é dicir, se dende Dropbox temos que mover os nosos arquivos até o cartafol correspondente, con Syncplicity simplemente sincronizamos o arquivo ou cartafol con clic no botón dereito (Windows).

Dispón de 2 GB gratuítos na súa versión de balde e 50 GB por 15 $/mes. De todos os xeitos podemos convidar até 3 amigos para obter almacenaxe extra: darannos 1 GB por cada amigo na versión de balde e 2 GB por amigo na de pagamento.

ZumoDrive

Pola súa banda ZumoDrive permítenos as características obvias de almacenaxe na nube pero con especial trato aos arquivos musicais, que poderemos escoitar dende a nube, así como sincronizar o iTunes.

Outras facilidades que incorpora é o sincronismo de cartafoles, estén situados onde sexa, como Syncplicity.

Dispón de 2 GB de almacenaxe gratuíto e aplicacións específicas para Linux/Windows/Mac así como tamén para Android/iOS/PalmPre


Ligazóns aos recursos:




6 jun 2011

Na procura de alternativas a Dropbox (I)

Até hai pouco falar de música na nube era falar de Spotify... e falar de almacenaxe de Dropbox. Se ben é certo que este último é un dos servizos máis completos que podemos achar na rede, como xa temos visto, o certo é que existen alternativas ben interesantes. Velaquí amosamos algunhas delas:

Adrive

Adrive é, resumindo, máis (espazo) por menos (prezo): ofrece 50 GB gratuitamente no seu plan Basic, aínda que con limitacións a un uso individual, menos seguridade, posibilidade de que apareza publicidade e non posibilidade de ter varias sesións abertas á vez.

A mesma cantidade de almacenaxe corrixindo esas eivas custa 6,95 $/mes ou 69,50 $/mes. Para opcións maiores, ofrecen as seguintes alternativas:

  • 100 GB por 13,95 $/mes ou 139,50 $/ano.
  • 250 GB por 33,95 $/mes ou 339,50 $/ano.
  • 500 GB por 66,95 $/mes ou 669,50 $/ano.
  • 750 GB por 99,95 $/mes ou 999,50 $/ano.
  • 1 TB por 131,95 $/mes ou 1319,50 $/ano.
  • 2 TB por 261,50 $/mes ou 2615,00 $/ano.
  • 3 TB por 388,65 $/mes ou 3886,50 $/ano.
  • 4 TB por 513,40 $/mes ou 5134,00 $/ano.
  • 5 TB por 635,75 $/mes ou 6357,50 $/ano.
  • 6 TB por 755,70 $/mes ou 7557,00 $/ano.
  • 7 TB por 873,25 $/mes ou 8732,50 $/ano.
  • 8 TB por 988,40 $/mes ou 9884,00 $/ano.
  • 9 TB por 1101,15 $/mes ou 11011,50 $/ano.
  • 10 TB por 1211,50 $/mes ou 12115,00 $/ano.
SugarSync

Este servizo ofrece 5 GB de almacenamento de balde, ampliábeis mediande a contratación de plans de pago:
  • 30 GB por 4,99 $/mes ou 49,99 $/ano.
  • 60 GB por 9,99 $/mes ou 99,99 $/ano.
  • 100 GB por 14,99 $/mes ou 149,99 $/ano.
  • 250 GB por 24,99 $/mes ou 249,99 $/ano
  • 500 GB por 39,99 $/mes ou 399,99 $/ano.
En canto a características, as habituais: permite traballar fóra da nube e que o sincronismo se faga unha vez conectado, compartir cartafoles...

Ademais ten unha ferramenta avanzada para a xestión de fotos e música, con posibilidade de compartir directamente a Facebook ou escoitar música en streaming.

É compatíbel coas plataformas Windows e Mac, así como tamén coas móbiles Android, iOS, BlackBerry e Windows Mobile.



Spideroak

Spideroak é unha alternativa barata para aquela xente que precisa gran cantidade de espazo, pois ofrece 100 GB por 10 $/mes ou 100 $/ano, aínda que tamén dispón de contas gratuítas de 2 GB.

Dispón de aplicacións multiplataforma (Linux, Windows e Mac), algo máis limitado en móbiles (Android e iOS).

Ademais, na súa web anuncian velocidades de sincronismo entre 10 e 15 veces máis rápidas que outras alternativas, e dispón dun historial de versións antigas por se sobreescribimos un arquivo accidentalmente.



OpenDrive

Ao igual ca Spideroak é unha alternativa barata para quen precisa de moito espazo, xa que dispón da versión gratuíta con 5 GB de espazo e 100 Gb por 5 $/mes oy 50 $/ano.

Trátase dunha alternativa que dispón de moitas posibilidades para compartir, con outros membros de OpenDrive ou non-membros.

O único negativo é que dispón de límite de tráfico por día (25 GB) e de tamaño de arquivos (até 1 GB).

Fiabee

Fiabee é unha alternativa algo máis modesta que fai especial fincapé na seguridade e encriptación dos datos, tanto durante as transferencias como na almacenaxe.

Mais tamén fai unha descarga eficiente, xa que no canto de baixar todo o arquivo baixa só os metadatos, que dan información do mesmo, polo que non consume gran ancho de banda. Afirman que en breve abrirán a posibilidade de compartir cartafoles con terceiros.

Ofrece 1 GB gratuíto, de momento non ampliábel, e está en fase beta. Dispoñen de aplicación específica para Android (en breve tamén para BlackBerry) e unha extensión para Chrome, polo que é compatíbel con todos os sistemas operativos que aceptan este navegador.



Ligazóns aos recursos:

3 jun 2011

AutoCAD 08: Comandos V

Os vídeos están gravados en HD (1280x720) e recomendamos velos a 720p e a pantalla completa para que non perdan calidade e poder ver desta maneira perfectamente as iconas. Link ao vídeo en HD.



Mallando titorial HD: AutoCAD 08

Vídeo titorial en galego de AutoCAD 2007.
Parte 8: Comandos V

Canción: Diablo Swing Orchestra - Balrog Boogie http://www.jamendo.com/es/track/391002

Se queredes velo correctamente, recomendámos velo a 720p e pantalla completa.

13 may 2011

AutoCAD 07: Comandos IV

Os vídeos están gravados en HD (1280x720) e recomendamos velos a 720p e a pantalla completa para que non perdan calidade e poder ver desta maneira perfectamente as iconas. Link ao vídeo en HD.


Mallando titorial HD: AutoCAD 07

Vídeo titorial en galego de AutoCAD 2007.
Parte 7: Comandos IV

Canción: Diablo Swing Orchestra - Balrog Boogie http://www.jamendo.com/es/track/391002

Se queredes velo correctamente, recomendámos velo a 720p e pantalla completa.

6 may 2011

Dropbox a fondo: trucos e curiosidades


Dropbox non é o único, pero é quizáis un dos mellores servizos de almacenaxe de arquivos na nube. Isto implica que poderemos acceder a eles dende calquera dispositivo (computador, móbil, tablet...) que teña conexión a Internet, e ter os arquivos sincronizados en todos eles.

Tipos de contas

Existen 3 tipos de contas que se adaptan ás nosas necesidades.
  • Basic: é a máis empregada. Ofrece inicialmente 2 GB de balde (ampliábeis, como veremos máis adiante). 
  • Pro 50: 50 GB por 9,99 $/mes.
  • Pro 100: 100 GB por 19,99 $/mes.
Pero alén disto existen varios xeitos de ampliar a capacidade das nosas contas gratuítas, como os trucos que vos ensinamos a continuación:
  • Referrals. Referencias, é dicir, se convidas aos teus amigos a unirse a Dropbox, ambos recibiredes 250 MB extra nas vosas contas. (se non tes conta, vai ao final do artigo).
  • Edu. Se dispós dunha conta de correo vencellada a unha entidade educativa (Universidade, Centro de Investigación... por cada Referral obterás 500 MB no canto de 250 MB. Se a túa Universidade non aparece, non te preocupes, podes dicirllo a Dropbox e eles encargaranse de comprobar o dominio.
  • Free. Por levar a cabo unha serie de accións (seguir a conta de Twitter de Dropbox, unir o Facebook...) poderás levar até 640 MB adicionais (128 MB por cada acción).
  • Especiais: de cando en vez, Dropbox fai algún xogo para ampliar espazo, como o Dropquest2011 ao que aínda se pode xogar (se queres facer trampa e facelo rápido, aquí tes a guía para resolvelo).
Analizemos agora as vantaxes deste servizo.


As aplicacións

Alén do acceso aos arquivos a través da interface web, Dropbox pon a disposición aplicacións para computadores (Windows, Linux e Mac) e para móbil (Android, BlackBerry e iPhone/iPad). Telas instaladas é unha grande vantaxe, porque nos permite sincronizar os nosos arquivos coa nube con tan só metelos no cartafol que nos crea no noso computador ou visíbel no noso terminal móbil.

É doado compartir cartafoles

Compartir cartafoles con outros usuarios é moi sinxelo, polo que podemos meter no cartafol as fotos da fin de semana ou un traballo colaborativo e compartila para que todos os membros do grupo podan ver e/ou modificar.

Podes enviar arquivos á túa conta por e-mail

Empregando unha aplicación de terceiros, MailDrop , poderán (ou poderemos) enviarnos arquivos axuntos no correo electrónico, que se nos descargarán no noso cartafol de Dropbox. Para ilo debemos ter instalada a aplicación e configurar a nosa conta de correo para que filtre as mensaxes que levan arquivos para Dropbox e os engada a unha etiqueta 'Dropbox'.

Comparte unha ligazón para que che envíen arquivos

Con DropItToMe  podes configurar unha conta co teu cartafol de Dropbox e xerar unha ligazón para compartir cos teus amigos e que che poidan enviar arquivos de xeito sinxelo, inda que eles non sexan usuarios de Dropbox.

Podes descargar os teus torrents

Se o cliente de bittorrent permite cargar torrents dende unha ubicación específica, pódese empregar un cartafol dentro de Dropbox para cargar os torrents. Para ilo, hai que ter instalado o cliente de escritorio do servizo de almacenaxe na nube.

Podes escoitar música en streaming

Se tes instalada a aplicación de móbil, podes escoitar a música en streaming co reprodutor de Android, por exemplo, con só seleccionar o cartafol. Se queres acceder á túa música dende calquera computador con internet podes empregar DropTun.es, un reprodutor baseado nunha interface web.

Dropbox como USB

Podes sincronizar un cartafol nun pincho USB de tal xeito que cada vez que o enchufas ao computador se sincronice o seu contido coa nube grazas a Dropbox Portable.

E isto é só unha pequena recopilación do que se pode facer cunha conta de Dropbox. Constantemente están aparecendo outras aplicacións que fan de Dropbox un servizo inda mellor.

Se non tes conta, podes crear unha con este enlace e terás 250 MB máis :D

22 abr 2011

AutoCAD 06: Comandos III

Os vídeos están gravados en HD (1280x720) e recomendamos velos a 720p e a pantalla completa para que non perdan calidade e poder ver desta maneira perfectamente as iconas. Link ao vídeo en HD.


Mallando titorial HD: AutoCAD 06

Vídeo titorial en galego de AutoCAD 2007.
Parte 6: Comandos III

Canción: Diablo Swing Orchestra - Balrog Boogie http://www.jamendo.com/es/track/391002

Se queredes velo correctamente, recomendámos velo a 720p e pantalla completa.

1 abr 2011

AutoCAD 05: Comandos II

Os vídeos están gravados en HD (1280x720) e recomendamos velos a 720p e a pantalla completa para que non perdan calidade e poder ver desta maneira perfectamente as iconas. Link ao vídeo en HD.


Mallando titorial HD: AutoCAD 05

Vídeo titorial en galego de AutoCAD 2007.
Parte 5: Comandos II

Canción: Diablo Swing Orchestra - Balrog Boogie http://www.jamendo.com/es/track/391002

Se queredes velo correctamente, recomendámos velo a 720p e pantalla completa.

11 mar 2011

AutoCAD 04: Comandos

Os vídeos están gravados en HD (1280x720) e recomendamos velos a 720p e a pantalla completa para que non perdan calidade e poder ver desta maneira perfectamente as iconas. Link ao vídeo en HD.



Mallando titorial HD: AutoCAD 04

Vídeo titorial en galego de AutoCAD 2007.
Parte 4: Comandos

Canción: Diablo Swing Orchestra - Balrog Boogie http://www.jamendo.com/es/track/391002

Se queredes velo correctamente, recomendámos velo a 720p e pantalla completa.

4 mar 2011

Gmail a fondo (e III)

Tras unha introdución ao servizo de correo e a seu Labs, que se complementou coa explicación da meirande parte da súas opcións de configuración, pechamos con esta entrada a nosa análise de Gmail, na que explicaremos as opcións que poderemos atopar na ventá de General, dentro do menú de configuración.

E que podemos atopar aí? As seguintes características:
  • Idioma: Podemos escoller entre 54 idiomas, entre os que se atopan o catalán e o eúskaro, inda que non o galego..
  • Tamaño de páxina: É onde decidimos o número máximo de correos e/ou contactos que desexamos ver en cada páxina. Débese ter en conta que un maior número de correos ou contactos implica máis tempo de carga (a ter en conta para conexións excesivamente lentas).
  • Combinación de teclas. A meirande parte dos usuarios avanzados en informática adoran o uso de atallos no teclado, que permitan facer as cousas dun xeito moito máis rápido. Neste sentido, Gmail cun extenso catálogo de atallos, que podemos consultar aquí.
  • Permiso para amosar contido externo. Se temos activada esta opción amosarásenos no corpo da mensaxe arquivos como imaxes, a xeito de previsualización. Resulta cómodo (para gustos).
  • Usar https: A configuración https está pensada para cando accedemos á nosa conta de Google dende equipos vencellados a redes que descoñecemos (por exemplo, unha WiFi pública). Usando sempre https, encriptarase a nosa información e será máis difícil accedera a ela por parte de terceiros.
  • Vista de conversación. Trátase quizáis da característica principal de Gmail. Con este servizo activado, as mensaxes e respostas acumularanse, polo que é moito máis doado seguir o fluxo de correo. Esta característica vólvese inda máis útil cando se mantén un intercambio de correos abundante e con múltiples contactos, que de aparecer na nosa bandexa de entrada por separado sería practicamente imposíbel seguir.
  • Desfacer envío. Décheslle a enviar un correo a quen non era? Tranquilo, se tes isto activado poderás configurar un tempo durante o cal poderás "desfacer" o envío. 
  • Sinatura. Neste espazo poderás a sinatura para os teus correos, coa vantaxe de que se tes configuradas múltiples contas, terás ocasión de ter unha sinatura para cada conta de correo.
  • Codificación. Gmail emprega múltiples estándares para unha visualización correcta, pero é posíbel que os contactos que teñamos non vexan axeitadamente as nosas mensaxes. Se temos este problema, sería bo que elixíramos Unicode, que é un estándar básico.


28 feb 2011

AutoCAD 03: Referencia a Obxectos

Os vídeos están gravados en HD (1280x720) e recomendamos velos a 720p e a pantalla completa para que non perdan calidade e poder ver desta maneira perfectamente as iconas. Link ao vídeo en HD.



Mallando titorial HD: AutoCAD 03

Vídeo titorial en galego de AutoCAD 2007.
Parte 3: Referencia a Obxectos

Canción: Diablo Swing Orchestra - Balrog Boogie http://www.jamendo.com/es/track/391002

Se queredes velo correctamente, recomendámos velo a 720p e pantalla completa.

11 feb 2011

Gmail a fondo (II)

A semana pasada falabamos de características que nos podíamos atopar en Google Labs de Gmail, o almacén de aplicacións avanzadas para o noso correo de Google.

Hoxe imos ver como sacarlle o máximo partido. Debemos pois achegarnos á lapela de configuración, onde atoparemos 13 apartados que iremos analizando: Xeral, Etiquetas, Contas e importación, Filtros, Reenvío e correo POP/IMAP, Chat, Clips da web, Labs, Gadgets, Prioritarios, Sen conexión, Temas e Buzz.

Comezarei esta análise polo final

Buzz


Google Buzz é un servizo lanzado por Google a comezos do 2010, presentado como unha apliación dos seus servizos de comunicacións.

Pretendía Pretende ser a rede na que se compartan contidos, de xeito moi semellante a Twitter, inda que sen ter as restriccións típicas da rede de microblogging por excelencia. É dicir, Buzz non pon límite de caracteres nin tampouco de contido (pódense incluír directamente fotografías, vídeos, ligazóns...).

Nesta pestana dentro da nosa caixa de correo podemos configurar o xeito no que Buzz se integra en Gmail (que contidos amosar, preferencias de integración con outras redes, inhabilitación do servizo, étc).

Temas


Falaba anteriormente de que unha das grandes vantaxes de Gmail fronte outros servizos de correo electrónico é o importante nível de personalización que permite. Na pestana de Temas temos 40 para elixir, cifra que vai medrando pouco a pouco.

Sen conexión

Non sempre é posíbel dispór de conexión a Internet, pero iso non ten por que ser un handicap para non poder redactar os nosos correos electrónicos para que sexan enviados ao recuperar dita conexión. Axudándose da memoria caché, Gmail sen conexión permítenos facer iso.

Neste vídeo amósasenos como funciona.



Prioritarios

Priority Mail é unha das aplicacións máis recentes presentadas por Gmail. Basicamente o que fai é dividir os correos en 2 tipos: prioritarios e non prioritarios. Esta elección faina Google en base ao uso que facemos habitualmente do correo, dos contactos que temos, étcetera. Se, por exemplo, nos escribimos moito con alguén, a priori ese contacto será prioritario.

Obviamente, este servizo non é infalíbel, polo que nós somos capaces de corrixir esa elección automática que fai Google, marcando como prioritarios correos que Google non consideraba como tal ou viceversa.

Nesta lapela podemos configurar as preferencias de Prioritarios: se desexamos telo activado ou non, que bandexa de entrada amosar (global ou separada), étc.

Gadgets


A semana pasada falabamos que dende o Labs podíamos activar a posibilidade de instalar gadgets de terceiros introducindo a url onde está. Tendo iso activado no Labs, a través desta pestana é dende onde se poden instalar.

Labs

Accedemos ao mesmo menú ca dende a icona dunha probeta que vos comentaba a semana pasada. As opcións son as mesmas.

Chat

O chat de Gmail, tamén cocñecido como Google Talk, debido ao software de mensaxería instantánea desenvolto por Google, é unha das características estrelas de Gmail. Permite conversar cos nosos contactos dende a propia caixa de correo.

Dende esta lapela do menú de configuración podemos revisar as súas características e probar que todo funciona: a cámara web, os micrófonos e altofalantes... pero tamén opcións relacionadas co almacenamento (ou non) das conversas nun historial.

Reenvío e correo POP/IMAP

Gmail permítenos reenviar o noso correo a outra(s) contas de correo. Dende esta lapela podemos configurar esta opción, indicando se queremos que se conserve a mensaxe orixinal na bandexa de entrada ao ser reenviada ou se non.

Doutra banda, dende este apartado podemos configurar o correo POP/IMAP. POP vén de Post Office Protocol e trátase do protocolo de xestión máis extendido de correo electrónico. Úsase cando queremos configurar a nosa conta para usala non dende a versión web da caixa de correo, senón cun programa (cliente) de correo electrónico instalado no noso computador.

Pola súa banda, IMAP vén de Internet Message Access Protocol e trátase doutro protocolo de xestión do correo, que se diferenza do POP en que permite o acceso a múltiples cartafoles nos servidores.

Así pois, dende este apartado pódese configurar se se permite este tipo de uso da nosa conta de Gmail.

Filtros

Os filtros son unha ferramenta moi útil para a xestión do noso correo electrónico. A súa aplicación permite elixir que facer cos correos que cumplan unha serie de características.

Entre os criterios de filtrado están o remitente, as mensaxes que conteñan unha serie de palabras que especifiquemos.... unha vez definidos estes, debemos escoller que acción levar a cabo:


Contas e importación

Xa comentamos que Gmail permite exportar o correo a través do protocolo POP. Mais, que acontece se temos contas que aceptan este protocolo e queremos recibilas na nosa caixa de correo de Gmail? Podemos? Si. E é moi sinxelo. En tan só 7 pasos podemos levalo a cabo, e só precisaremos ter os datos da conta que queremos importar.

Nesta sección tamén poderemos configurar contas para "Enviar correo como...". É dicir, se traballamos con contas de correo diferentes para diferentes ámbitos da nosa vida e non queremos ter que andar cambiando de caixa de correo cada vez que queremos enviar unha mensaxe cunha conta diferente, dende este apartado poderemos configurar as diferentes contas que poderemos empregar.

Etiquetas

En Etiquetas poderemos levar a cabo a acción de control das etiquetas que temos configuradass no noso correo. Hai algunhas, as propias de Gmail (Recibidos, Papeleira...) que non son eliminábeis, mais si que podemos decidir se quremos ocultalas ou non.

Sobre o resto de etiquetas, as que facemos nós, podemos levar a cabo todo tipo de accións.

31 ene 2011

Gmail a fondo (I)

Aviso a navegantes, isto non é unha entrada máis falando de Gmail, senón unha análise en profundidade de todo o que dá de si o correo electrónico de Google.

A ninguén se lle escapa hoxe en día que Gmail é o mellor dos mellores servizos de correo electrónico a disposición do público xeral, por riba incluso se servizos de correo electrónico de pagamento. Entre as súas principais características, cómpre que destaquemos as seguintes:
  • Correo electrónico - case - ilimitado. 7,5 GB de correo en continuo aumento (4 bytes por segundo). Outros, como Yahoo, ofrecen correo 'ilimitado'. Na práctica resulta similar, xa que é un tamaño máis ca suficiente para a práctica totalidade da xente. Ademáis, permítese contratar máis espazo, até 25 GB, pensado para solucións empresariais.
  • Sen publicidade (nas mensaxes). Os correos que mandes coa túa conta de Gmail non levarán publicidade de terceiros. Só amosarán o que ti poñas. Esquécete de enviar correos serios nos que debaixo do teu texo apareza algo como Encuentra y vota a los chicos y las chicas más guapas de tu ciudad en talsitio.com!
  • Total personalización.
  • É de balde.
Vista da marxe superior esquerda da conta de Gmail
Feita esta presentación, supoño que para moita xente innecesaria, pasaremos a falar da principal caracterísitca de Gmail: a total personalización.

Pero antes diso, cómpre que falemos de Google Labs para Gmail. Accédese a Google Labs dende a icona dunha probeta situado ao carón de 'Configuracións'. Aí atoparemos un completo abano de características a engadir ao noso Gmail. 

Poderíamos dicir que Google Labs é onde nos atopamos todas esas melloras que Google pretende engadir a Gmail e que están nunha fase beta avanzada.

Estas características mudan co tempo, algunhas porque son incorporadas á versión básica de Gmail e outras porque non acaban de callar entre o público. Resulta interesante acceder de cando en vez para ver que hai de novo polo Labs, sempre se atopan cousas de interese.

Poderíamos clasificar as aplicacións do Labs en dous grupos: as que están pensadas para facilitar e mellorar a experiencia dos servizos de correo e os xogos ou melloras estéticas.

Entre as melloras da experiencia, podemos habilitar as seguintes:
  • Autocompletado da busca: permite acceder máis rápido cando buscamos algo na nosa caixa de correo, ben sexa un contacto ou algún trozo de texto para procurar unha mensaxe.
  • Engadir gadgets de terceiros facilmente: esta opción permite engadir á nosa caixa de correo gadgets non verificados por Google que poden mellorar a nosa experiencia de usuario.
  • Desfacer o envío: esta ferramenta permite que se te equivocas ao enviar un correo (ves un erro moi cantoso, esqueciches dicir algo
  • Etiquetas anidadas
  • Etiquetas anidadas: as etiquetas permiten marcar as mensaxes por asuntos e xa é unha opción nativa de Gmail. As etiquetas anidadas permiten engadir subetiquetas. Crealas é moi doado, primeiro temos que ter a etiqueta raíz e logo crear a subetiqueta. Exemplo: creamos a etiqueta Home. Para crear Kids, teríamos que crear a etiqueta Home/Kids.
  • Google Calendar: permite ter as nosas actividades do Google Calendar nunha aplicación do correo.
  • Insertar imaxes: É unha funcionalidade moi útil se queremos engadir imaxes ao corpo da mensaxe e non como meros arquivos axuntos.
  • Melloras no chat de vídeo: é un parche que permite opcións relacionas co chat de vídeo, como imaxes máis grandes.
  • Responder a todos predefinido: Se adoitas enviar correos a varia xente á vez para tomar decisións, resultarache interesante ter esta opción activada. Así non respondes só ao último en escribir.
  • Actualizar contas POP. Gmail permite a configuración de contas POP, que comprobarán o correo cada certo tempo. Activando isto, temos un botón para comprobar o correo doutras contas cando queiramos.
  • Avance do contido da mensaxe: con esta aplicación, ao facir clic sobre unha mensaxe amósanos unha visión previa do contido, o que permite facernos unha idea de que vai.
  • Botón marcar como lido: nada que dicir...
  • Búsqueda en Google/ Búsqueda en Google Apps: facilidades de procura xeral (Google) ou entre as aplicacións de Google.
  • Teclas personalizadas: programación de teclas coas que poderemos facer un uso máis rápido da caixa de correo.
  • Creación de documentos. Engade un botón para crear documentos en Google Docs.
  • Iconas de verificación de usuario (prevén phishing), recordatorio de usuarios frecuentes, aplicacións para verificar sen abrir se a mensaxe vai dirixida só a ti ou leva máis destinatarios...
  • Tradutor de mensaxes con Google Translate.
  • Respostas predeseñadas: permite aforrar tempo se temos unha serie de mensaxes de resposta habitual.
Melloras estéticas
  • Chat no lado dereito: cuestións de gustos. Por defecto o chat de Google atópase no lado esquerdo, despois de toda a columna de Recibidos/Enviados... se usas moito o chat, pode que che interese telo nun sitio máis visíbel, como a marxe dereita.
  • Green robot: esta aplicación é moi útil para visualizar se os nosos contactos de Android están conectados ao Gtalk (servizo de chat) vía web/programa ou a través do seu teléfono Android. Neste último caso, o "punto" que sinala se están conectados ou non mudará o seu aspecto ao dun robot.
  • Icona de mensaxes non lidas: vale para Chrome e Firefox (últimas versións) e serve para indicarnos na lapela superior o número de mesaxes non lidas. Polo de agora, non funciona de todo correcto, é habitual que quede "colgado".
  • Imaxes de chat: permite decidir se queremos un chat con imaxes dos contactos ou non (só nome).
  • Muted. Agocha ou mostra os correos silenciados, interesante se queremos deixar de recibir, por exemplo, os correos dunha determinada discusión nunha listaxe de distribución da que sexamos membros.
  • Mover columna de icona: por defecto, notificacións con icona como arquivos axuntos, aparecen á dereita do asunto. Activando esta opción, terémolas no lado contrario, á esquerda.
  • Cambio de lugar da sinatura. Por defecto, a túa sinatura quedará ao final da mensaxe. É dicir, se respondes a un correo sen borrar o que che comentaron, a mensaxe quedará: TEXTO DO CORREO + TEXTO ORIXINAL + SINATURA. Se activas esta opción a túa sinatura irá despois de TEXO DO CORREO.
  • Título. Muda o título na pestana: De Gmail - Recibidos (XX) - conta@gmail.com a Recibidos (XX) - Gmail - conta@gmail.com. Interesante se traballamos con varias pestanas e queremos ver cantos correos temos por ler.
  • Superestrelas: as estrelas permiten resaltar certas mensaxes, pero se queremos ter varias cores e iconas para sinalar correos de diferentes prioridades, debemos activar este plugin.
  • Zona horaria do remitente. Pode ser útil para quen se comunique con xente doutras zonas horarias.
  • Emoticonos / Emoticonos usados recentemente. Interesante para que use emoticonos, dos de colorines (inda queda alguén?)
  • Enlaces rápidos: permíteche crear unha columna de ligazóns a Gmail, a cousas que empregues para un acceso rápido.
  • Estilo de texto predeterminado: permite seleccionar o estilo de texto que queremos ter como predifinido ao redactar as mensaxes.
  • Cambios nos formatos das datas.
  • Ocultador de etiquetas.
  • Ocultador de mensaxes non lidas.
  • Xogos como oldsnake ou matematicos
  • Varias bandexas de entrada. Facilítanos a vida se queremos ter varias bandexas de entrada nunha mesma páxina de correo.
  • Vistas previas: do texto da mensaxe, de imaxes, de vídeos de Youtube, de mapas, de Docs, de Yelp...
  • Amosar Gmail en Beta (para os nostálxicos).
Unha vez vistas as posibilidades do Labs de Gmail, na vindeira entrega comprobaremos para que serve todo isto e como sacarlle o máximo partido.