Mostrando entradas con la etiqueta trebellos. Mostrar todas las entradas
Mostrando entradas con la etiqueta trebellos. Mostrar todas las entradas
10 oct 2011
A caixa negra
Se estás circulando pola carretera e atopas un accidente de tráfico seguro que dis algo polo estilo de: “mira que freada hai na carretera, seguro que iba moi a présa”, “é normal, xa que este tramo é moi perigoso”,…
O seguinte será unha investigación da Garda Civil, no que se tomarán datos, e máis tarde sairá nas novas, sen ter máis repercusións, xa que é algo que ocorre con frecuencia.
Sen embargo, se se produce un accidente aéreo, a repercusión é moi grande e todos queremos saber por que pasou, por este motivo se crearon as chamadas caixas negras, para esclarecer as causas do accidente.
A súa actividade remóntase ós anos 50 e o seu nome débese a que nos primeiros anos destes trebellos eran de cor negro, pero máis tarde decideuse modificar a súa cor por outra de tonalidade naranxa claro cunhas franxas de cor branca, co obxectivo de facelas máis visibles no escenario do accidente.
A caixa negra non intervén en ningún momento no voo do avión. A súa única función é a de almacenar a actividade dos instrumentos, as conversacións na cabina e axudar a descubrir a causa do accidente e, se é posible, evitar outros futuros.
En realidade, un voo comercial leva dúas caixas negras. Unha delas, chamada “Flight Data Recorder” (FDR), recolle os datos de voo, como os parámetros do motor, os sistemas hidráulicos, o piloto automático, a velocidade, a dirección, a altitude e a información que se pide durante o voo entre outras. A outra caixa, denominada “Cockpit Voice Recorder” (CVR), graba as conversacións da cabina, tanto dos pilotos como as do ambiente da cabina que rodea ós pilotos.
Ademáis dos dispositivos de grabación, incorporan un localizador submarino que emite nunha frecuencia de 37,5 kHz e que pode transmitir son ata unha profundidade de catro kilómetros e medio. Unha vez que empeza a enviar sinais, farao unha vez por segundo durante 30 días.
A característica máis importante atópase no seu robusto deseño, xa que para poderense instalar teñen que superar estas probas:
- Resistir temperaturas de ata 1100ºC polo menos durante media hora.
- Resistir impactos que superen a forza da gravidade en 3400 veces.
- Resistir 24 horas nunha cámara chea de auga mariña a presión.
Adoitanse ubicacar na zona da cola do avión, debido a que a súa estructura aguanta mellor os impactos, polo que nunca se deben colocar preto dos depósitos de combustible e de zonas donde adoita ser máis típico o primeiro impacto dun accidente aéreo.
Tanto o FDR como o CVR son ferramentas de incalculable valor para a investigación nun accidente aéreo. Adoitan ser os únicos supervivintes dunha catástrofe aérea e dannos as pistas e claves para saber o que transcorreu, que sería imposible de outra maneira.
Etiquetas:
aviación,
curiosidades,
trebellos
8 mar 2011
LDK 107: O curta
Un curta é unha calculadora mecánica inventada polo austríaco Curt Herzstark mentres estaba encerrado no campo de concentración de Buchenwald. Comezouse a comercializar no 1948 e permite facer dunha maneira moi sinxela as catro operacións básicas das matemáticas: sumar, restar, multiplicar e dividir.
Tamén tedes The CURTA Calculator Page, cunha gran cantidade de información sobre a mesma: manuais, simuladores, despezamentos, etc. E a continuación un vídeo en inglés no que se explica como empregala:
Para rematar deixo un segundo vídeo en español no que explican como facer unha multiplicación:
29 sept 2010
Golpe e bomba de ariete
O golpe de ariete, tamén coñecido como pulso de Joukowski, é un fenómeno que se produce cando se cerra unha válvula no extremo dunha tubaxe de certa lonxitude interrompendo repentinamente o paso dun fluído. As partículas que se detiveron son empuxadas polas que veñen inmediatamente detrás e seguen aínda en movemento, isto orixina unha sobrepresión que se despraza pola tubaxe e provoca dous efectos: por un lado o fluído comprímese reducindo o seu volume, e polo outro, a tubaxe aumenta a súa sección. Cando todo o fluído que circulaba pola tubaxe se detén, o fluído comprimido tende a expandirse á vez que a tubaxe recupera a dimensión orixinal, isto provoca unha onda de presión no sentido contrario que crea unha depresión na tubaxe.
A forza do golpe de ariete é directamente proporcional á lonxitude do conduto e inversamente proporcional ao tempo de peche da chave, canto máis rápido se cerre, máis forte será. Existen diversos métodos para mitigar os seus efectos, que en certas situacións poden avariar unha instalación de abastecemento de auga.
Este fenómeno aprovéitase no funcionamento da bomba de ariete, un aparello capaz de empregar un fluxo de auga continuo para elevar parte dese fluxo a unha altura moito maior.
Un fluxo de auga continuo encárgase de cerrar a válvula A, neste momento prodúcese o golpe de ariete co consecuente aumento de presión que fai que se abra a válvula B e a auga ascenda cara ao depósito superior; cando a presión diminúe, a válvula B cérrase e a A ábrese. A fluxo de auga volve empuxar a válvula A ata cerrarse e volve comezar o ciclo. A utilidade do depósito de aire é amortecer o golpe de ariete para conseguir un fluxo da auga cara ao depósito superior moito máis continuo.
É un aparello moi útil e sinxelo, aínda que ten o problema do desperdicio de auga, se a bomba tivese un rendemento do 100%, o caudal elevado sería: q=Q*h/H, pero en condicións óptimas o rendemento é do 80% e pode baixar ata o 20% cando se bombea a gran altura.
Imaxe: Tecnologías Rurales.
Suscribirse a:
Entradas (Atom)




