LDK 179: BMW Brutus

Falabamos fai uns días de BMW e diciamos que esta marca de automóbiles e motocicletas comezara no mundo da aviación. Resulta que, cun excedente de motores da Segunda Guerra Mundial, decidiron montar un motor de avión V12 de 46 litros de cilindrada e 500 cv de potencia nun BMW VI de 1926 (un turismo). Para que vos fagades unha idea, un utilitario medio actual non chega a ter un motor de 2 L de capacidade que ronda os 100 cv de potencia. 

Todo isto tradúcese nun coche cunha potencia esaxeradísima que se emprega para correr en circuÍtos ovalados tipo NASCAR e evidentemente non resulta práctico en ningún momento. No seguinte vídeo mostramos como brúa o motor con ese son tan característico dun motor de avión arrincando:

Se queredes algo de características "similares", o Ferrari Enzo é un super-deportivo de luxo fabricado entre o 2002 e o 2004 que ten un motor V12 de 6 litros cunha potencia de 660 CV.

Vía @_pepito.